Readout of Chancellor Masrour Barzani’s meeting with Norwegian Ambassador to Jordan and Iraq


مەسرور بارزانی پێشوازیی لە باڵیۆزی نوێی نەرویج بۆ عێراق و ئوردون کرد

ئەمرۆ مەسرور بارزانی راوێژکاری ئەنجوومەنی ئاسایشی هەرێمی کوردستان پێشوازیی لە خاتوو تۆن ئالەرس باڵیۆزی نوێی نەرویجی بۆ ئوردن و عێراق کرد.

لەم دیدارەدا باڵیۆزی نەرویجی سوپاس و پێ زانینی وڵاتەکەی بۆ هەرێمی کوردستان و قوربانیدانی هێزی پێشمەرگە لە جەنگی دژ بە تیرۆر ڕاگەیاند و ئاماژەی بە ئەوەدا کە نەرویج بە گرنگیەوە دەڕوانێتە ڕۆلی هەرێم لە ناوچەکەدا و خوازیاری فراوانترکردنی زیاتری پەیوەندیی دوولایەنە لە گەل هەرێمی کوردستانن. باڵیۆزی نەرویج پشتگیریی وڵاتەکەی بۆ دانوستانی نیوان هەولێر و بەغدا دووپات کردوە و ئاواتی خواست هەرچی زووتر ئەم دانوستانانە ئەنجامی ئەرێنیی لێ بکەوێتەوە.

راوێژکاری ئەنجوومەنی ئاسایشی هەرێمی کوردستان ئاواتی سەرکەوتنی بۆ خاتوو ئالەرس لە پۆستە نوێیەکەیدا خواست و ستایشی وڵاتی نەرویجی کرد بۆ ئەو پاڵپشتی و هاوکاریانەی کە لە چوارچێوەی هاپەیمانیی نێودەوڵەتی دژ بە داعشدا پێشکەشی هەرێمی کوردستانیان کردووە.

مەسرور بارزانی لە بارەی دوا رەوشی عێراق و ناوچەکە ڕایگەیان کە دەبێت کۆمەڵگای نێودەوڵەتی کاراتر ئەرکەکانی لە ناوچەکەدا جێبەجێ بکات تاکو زەمینە بۆ سەرهەڵدانی توندوتیژی و گەشەکردنەوەی تیرۆر نەرەخسێتەوە. لە بارەی پەیوەندییەکانی هەولێر و بەغدا راوێژکاری ئەنجوومەنی ئاسایشی هەرێم جەختی لە سەر دانوستانەکان لە سەر بنەمای جێبەجێ کردنی دەستوور کردەوە و ڕوونی کردەوە کە هەرێمی کوردستان ئەرکە دەستووریەکانی جێبەجێ کردووە بەڵام لە بەغدا خۆدزینەوە لە جێبەجێ کردنی کۆی دەستوور وەک یەک پەکێج هەیە.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: